Toshkent shahridagi Milliy paralimpiya bogʻida 1-iyun – Xalqaro bolalarni himoya qilish kuni munosabati bilan Soliq qo‘mitasi, Yirik soliq to‘lovchilar bo‘yicha HSI va Toshkent shahar soliq boshqarmasi xodimlari farzandlari uchun bayram tadbiri tashkil etildi.
Unda soliq xizmati organlar xodimlari farzandlari uchun turli ko‘ngilochar sovrinli viktorinalar va quvnoq tanlovlar, sport o‘yinlari o‘tkazildi.
Shuningdek, tadbir doirasida parastol tennisi bo‘yicha o‘tkazilgan musobaqa g‘oliblari taqdirlandi.
San’atkorlar tomonidan ijro etilgan zavqli kuy-qo‘shiqlar bolajonlarga bir olam quvonch ulashdi.
Yakunda qiziqarli o‘yin va musobaqalarda faollik ko‘rsatgan bolajonlar esdalik sovg‘alari bilan taqdirlandi.