Prezidentimiz tomonidan imzolangan “Davlat fuqarolik xizmati to‘g‘risida”gi Qonun davlat organlari xodimlari tomonidan eng uzoq kutilgan hujjat bo‘lsa kerak.
U davlat xizmatchilarining huquqlarini belgilaydigan, meritokratiya tamoyili asosida martaba darajalari o‘sishining kafolatini taʼminlaydigan hamda davlat xizmatchisining jamiyatdagi mavqeyini oshirishga qaratilgan davlat xizmati institutining huquqiy asosini yaratadi.
Qabul qilingan Qonun ilg‘or jahon tajribasini o‘zida mujassam etgan holda, davlat boshqaruvi sohasida milliy tajribaga asoslangan keng ko‘lamli mutaxassislarning og‘ir va mashaqqatli mehnati samarasidir.
Aminmanki, qabul qilingan hujjatda belgilangan davlat xizmatchilari apparatini samarali boshqarishning zamonaviy usullarini joriy etish barcha sohalardagi islohotlarning sifatli amalga oshirishda davlat organlari xodimlarining hissasini sezilarli darajada oshiradi.
Uzoq yillar davomida davlat xizmatini rivojlantirish vektorini belgilab beruvchi ushbu asosiy hujjatni tayyorlash jarayonida ishtirok etgan barcha mutaxassislarga o‘z minnatdorligimni bildirmoqchiman.
Barcha davlat xizmatchilari va ularning oila aʼzolarini “Davlat fuqarolik xizmati to‘g‘risida”gi Qonunning qabul qilingani bilan tabriklayman.
Sherzod Kudbiyev,
Davlat soliq qo‘mitasi Raisi