12-avgust sanasi davlat soliq xizmati organlari xodimlari uchun muhim kun hisoblanadi. Bu kunni barcha xodimlar va soha faxriylari o‘zgacha kayfiyatda kutib olishini bilaman.
Har bir davlatda soliq tizimi alohida o‘ringa ega, shu jumladan O‘zbekiston Respublikasida ham.
12 902 nafar davlat soliq xizmati organlari xodimlari bir oila va katta kuch bo‘lib davlat va jamiyat taraqqiyoti, ijtimoiy soha rivoji hamda aholi turmush darajasini oshirishga, har bir oilani rozi qilishga xizmat qilmoqda.
Hurmatli hamkasblar, mening oilam, erishayotgan yutuqlarimizda har biringizning hissangiz alohida. Mashaqqatli va sharafli mehnatlaringiz biz uchun doimo qadrlidir.
Barchangizning mehnat faoliyatingizda va shaxsiy hayotingizda yutuq va omadlar, oilalaringizga baxtu saodat, fayzu baraka tilayman!
Birgalikdagi mehnatimiz, davlatimiz, jamiyatimiz va Vatanimiz rivojiga doimo xizmat qilsin.
Sherzod Kudbiyev,
O‘zbekiston Respublikasi Davlat soliq qo‘mitasi Raisi