Ishga qabul qilish tartibi va yaratilgan sharoitlar

Davlat soliq xizmati organlariga ishga qabul qilish O‘zbekiston Respublikasining Mehnat kodeksi va Vazirlar Mahkamasining 2019-yil 17-apreldagi 320-sonli qarori bilan tasdiqlangan “Davlat soliq xizmati organlari faoliyatini yanada takomillashtirish chora-tadbirlari to‘g‘risida” nizomga muvofiq amalga oshiriladi.

Davlat soliq xizmati organlaridagi bo‘sh ish o‘rinlari (vakant lavozimlar) to‘g‘risidagi ma’lumotlar:

- “Yagona milliy mehnat tizimi” idoralararo dasturiy-apparat kompleksidan foydalangan holda “Davlat fuqarolik xizmatchilari vakant lavozimlarining yagona ochiq portali” (vacancy.argos.uz) dasturiy-apparat kompleksiga;

- Davlat soliq qo‘mitasining rasmiy veb-saytiga va ijtimoiy tarmoqlardagi e’lon sahifalariga joylashtiriladi.

Ehtiyojdan kelib chiqib, ommaviy axborot vositalari va davriy nashrlarda joylashtirilishi ham mumkin.

Yoshi, millati, jinsi, ijtimoiy kelib chiqishi, mulkiy va mansab mavqeyidan qat’iy nazar, o‘zlarining kasbiy, ishbilarmonlik, shaxsiy va axloqiy fazilatlar hamda ma’lumot darajasiga ega, shunindek, davlat fuqarolik xizmati lavozimini egallash huquqi qonunchilik bilan cheklanmagan va tegishli lavozimni egallash uchun malaka talablariga javob beradigan O‘zbekiston Respublikasi fuqarolari davlat soliq xizmati organlariga ochiq mustaqil tanlov orqali ishga qabul qilinadi.

Bo‘sh ish o‘rinlari (vakant lavozimlar)ga ishga kirish uchun tanlovda ishtirok etish:

Davlat fuqarolik xizmatchilari vakant lavozimlarining yagona ochiq portali (vacancy.argos.uz) orqali amalga oshiriladi.

Qo‘shimcha ma’lumot olish uchun telefonlar:

(71) 244-98-17