Institut faoliyatining asosiy yo‘nalishlari quyidagilardan iborat:

soliqqa tortish, moliyaviy nazorat sohalari uchun bakalavriat hamda magistratura yo‘nalishlari bo‘yicha kadrlarni tayyorlash, qayta tayyorlash va ularning malakasini oshirish ishlarini takomillashtirish;

kadrlar tayyorlash borasida xorijiy davlatlarning soliq organlari va o‘quv muassasalari bilan tajriba almashishni kengaytirish hamda qo‘shma ta’lim dasturlarini amalga oshirish, o‘quv-ta’lim jarayoniga xorijiy olimlar va mutaxassislarni jalb qilish;

budjet daromadlarini shakllantirishda davlat manfaatlarini hamda soliq to‘lovchilarning huquqlarini ta’minlay oladigan kadrlarni tarbiyalash;

soliq organlari uchun ilg‘or axborot-kommunikatsiya texnologiyalari va avtomatlashtirilgan tahlil uslublari bilan ishlash ko‘nikmasiga ega bo‘lgan mutaxassislar tayyorlash tizimini yo‘lga qo‘yish;

soliqqa tortish hamda moliyaviy nazorat sohalarida amaliy va fundamental ilmiy-tadqiqotlar olib borish natijasida innovatsion loyihalarni joriy etishni kengaytirish;

malakali kadrlar tayyorlashni buxgalteriya hisobi, moliyaviy hisobotning zamonaviy usullari, xalqaro soliqqa tortish, transfert narxlarni belgilash, tavakkalchiliklarni tahlil qilish, biznes-tahlil texnologiyalari (Business Intellegence) va soliq ma’muriyatchiligida ilg‘or axborot texnologiyalarini (Big Data) qo‘llash asosida tashkil etish;

o‘quv jarayonida o‘qitishning zamonaviy shakl va metodlari, shu jumladan pedagogik, axborot texnologiyalarini, masofaviy ta’limni o‘qitish, treninglarni interfaol, muammoli-vaziyatli uslublarini keng joriy etish, talaba, tinglovchi hamda pedagog kadrlarning global axborot-huquqiy ta’lim resurslaridan foydalanish imkoniyatlarini kengaytirish.

O‘zbekistan Respublikasini har tomonlama rivojlangan davlat va jamiyat oldidagi o‘z mas’uliyatini his qiluvchi, yuksak ma’naviy, axloqiy fazilatlarga ega bo‘lgan, mamlakat kelajagi uchun vijdonan halol mehnat qiluvchi, xalqaro ta’lim maydonida raqobatbardosh soliqqa tortish hamda moliyaviy nazorat sohalari uchun yuqori malakali kadrlar tayyorlash, ularning malakasini oshirish, qayta tayyorlashning zamonaviy tizimini yaratish Institutning asosiy maqsadi hisoblanadi.

Institutning asosiy vazifalari quyidagilardan iborat:

ta’lim xizmatlari bozorida Institutning raqobatbardoshligini oshirish;

talabalarning akademik mobilligini ta’minlash;

ta’lim oluvchilarda fuqarolik pozitsiyasini shakllantirish, mas’uliyatlilik, mustaqillik va ijodiy faollikni rivojlantirish;

iqtidorli yoshlarni ilmiy-tadqiqot va innovatsion, shu jumladan, xalqaro qo‘shma loyihalar doirasidagi faoliyatga jalb qilish;

ilmiy-pedagog kadrlar tayyorlash va professor-o‘qituvchilarning malakasini oshirish;

Institutning moddiy-texnika bazasini mustahkamlash;

ta’limning media texnika va dasturiy vositalari, masofaviy ta’lim texnologiyalaridan foydalanishda to‘siqsiz muhit yaratish;

darslik, o‘quv qo‘llanma, monografiyalarni tayyorlash va chop etish;

talabalar va xodimlarni ijtimoiy himoya qilish tizimini takomillashtirish