Bir nechta kompaniyalardan kelib tushgan soʻrovlarni koʻrib chiqib, Xarid komissiyasi 2023-yil 12-apreldagi qarori bilan tanlovlarda raqobatni kengaytirish va ishtirokchilar sonini maksimal taʼminlash maqsadida tenderda ishtirok etish uchun takliflar qabul qilish muddatini 2023-yil 25-maygacha (15.00) uzaytirdi.
(Maʼlumot uchun: Eʼlon Jahon banki (worldbank.org, 14-aprel), Soliq qoʻmitasi (soliq.uz, 17-aprel), “Narodnoye slovo” va “Halq soʻzi” (xs.uz, 17-aprel), Tenderlar boʻyicha platforma (tenderweek.com, 17-aprel), Iqtisodiyot va moliya vazirligi (imv.uz, 17-aprel) veb-saytlarida joylashtirildi hamda “Narodnoye slovo” gazetasida chop etildi (19-aprelda)).
Tender eʼlon qilingan davr ichida tashkilotchi (buyurtmachi) tomonidan tenderda qatnashishga qiziqish bildirgan kompaniyalarning soʻrovlari asosida tender xujjatlar boʻyicha va tashkiliy masalalar yuzasidan savollarga javoblar (tushuntirishlar) taqdim etildi.
2023-yil 25-mayda Xarid komissiyasining yigʻilishi boʻlib oʻtdi. Tenderda qatnashish uchun kelib tushgan takliflarni ochish jarayoni oʻtkazildi. Takliflarning texnik qismlari baholash topshirildi. Mazkur tender oʻtkazish tartibiga koʻra takliflar ikki bosqichda, yaʼni texnik va moliyaviy baholanishi koʻzda tutilgan.
Loyihaning 2- va 3- komponentlari masalalari boʻyicha Jahon banki ekspertlari tomonidan texnik yordam dasturi doirasida oʻrganishlar oʻtkazildi. Seminarlar jarayonida mutaxassislar bilan muxokamalar va olingan maʼlumotlar asosida joriy xolat taxlil etildi. Oʻrganishlar natijasi boʻyicha Jahon banki tomonidan xisobot va chora-tadbirlar boʻyicha takliflar taqdim etildi. Xozirgi kunda materiallar mutaxassislar tomonidan oʻrganib chiqilmoqda, natijalari boʻyicha chora-tadbirlar rejalari ishlab chiqiladi.
“Soliq maʼmuriyatchiligini isloh qilish” loyihasini amalga oshirish guruhi