30-noyabr kuni Nyu-Yorkda BMTTD tomonidan Norvegiya hukumati va Kolumbiya universiteti bilan hamkorlikda tashkil etilgan "Soliqlar va Barqaror rivojlanish maqsadlari" mavzusidagi forum o‘z ishini boshladi. Unda Davlat soliq qo‘mitasi raisi Sherzod Kudbiyev boshchiligidagi delegatsiya ishtirok etmoqda. Qatnashchilar orasida fiskal organlar rahbarlari soliq sohasi ekspert va tahlilchilari hamda yetakchi ilmiy-tadqiqot markazlari olimlari bor.
Tadbirning asosiy maqsadi eng yaxshi tadqiqot markazlari va ilg‘or soliq maʼmuriyatlari o‘rtasida muloqot qilish uchun amaliy platforma yaratish.
Tadbir doirasida Nobel mukofoti sovrindori, Kolumbiya universiteti professori Jozef Stiglis bilan fikr almashildi. Muloqot chog‘ida soliqlar har bir fuqaroning umumiy taraqqiyotga hissa qo‘shishining zamonaviy yo‘li ekanligi taʼkidlandi.
Forum ishi 2 dekabrga qadar davom etadi.
DSQ matbuot xizmati