Аввалроқ давлат солиқ хизмати органларига ишга қабул қилиш фақат Давлат фуқаролик хизматчилари вакант лавозимлари ягона очиқ портали – vacancy.argos.uz орқали очиқ мустақил танлов асосида амалга оширилиши маълум қилинган эди.
Ишга қабул қилишнинг янги тизими кадрларни самарали бошқариш ва салоҳиятини ривожлантириш, малакали кадрларнинг рақобатбардош захирасини шакллантириш ва бўш иш ўринларини билимли ва малакали муносиб кадрлар билан тўлдиришда катта қадам бўлди.
Танловларда юқори натижаларга эришган 30 нафар номзод давлат солиқ хизмати органларидаги масъул лавозимларга тайинланди.
Маълумот учун: Давлат солиқ хизмати органларидаги мавжуд бўш иш ўринлари ҳақида vacancy.argos.uz расмий порталида ёки vacancy_argos расмий телеграм каналида мунтазам равишда эълонлар бериб борилмоқда.
ДСҚ Матбуот хизмати