Soliq qoʻmitasi tomonidan taksi xizmatlari sohasini legallashtirish, rasmiy ish bilan band boʻlmagan shaxslar faoliyatini qonuniylashtirgan holda ushbu bozordagi aylanmalar hisobini yuritish boʻyicha ishlar izchil davom ettirilishi haqida xabarlar berilgan edi.
Soliq organlari xodimlari tomonidan respublikamizning barcha hududlarida yo‘nalishsiz taksi xizmatini ko‘rsatuvchi tadbirkorlik subektlari hamda yo‘lovchi tashuvchilarga onlayn xizmat ko‘rsatuvchi agregatorlar bilan uchrashuvlar tashkil etilib, faoliyatni qonuniy amalga oshirishning huquqiy asoslari, yaratilgan imkoniyatlar haqida batafsil ma'lumotlar berilmoqda.
Shuningdek, onlayn agregatorlar va taksi xizmatlariga soliq organlarining axborot tizimlari bilan integratsiyalashuvi, ko‘rsatayotgan xizmatlar uchun naqd va naqdsiz to‘lovlarni fiskallashtirishga ko‘maklashilmoqda.
Bunday manzilli uchrashuvlar Samarqand, Navoiy, Buxoro va Namangan viloyatlarida bo‘lib o‘tdi.
Soliq qo‘mitasi Matbuot xizmati