Toshkent davlat iqtisodiyot universitetining “Soliqlar va soliqqa tortish” yo‘nalishi bo‘yicha ta’lim olayotgan talabalari uchun barqarorlik reytingi yuqori bo‘lgan tadbirkorlar – Namangan viloyatidagi “Chust Textile” xususiy korxonasi ta’sischisi, O‘zbekiston Respublikasi Prezidenti huzuridagi Tadbirkorlikni qo‘llab-quvvatlash jamoatchilik kengashi a’zosi Jamshid Ismatullaev va Toshkent viloyatidagi “Procab” MChJ direktori Tohir Sharipov bilan uchrashuv tashkil etildi.
Ko‘p yillik tajribaga ega tadbirkorlar intizomli va shaffof biznes yuritish uchun barcha zarur sharoit va imkoniyatlar yaratilganini ta’kidlab, barqarorlik reytingida ko‘zda tutilgan rag‘batlantirish choralari qonun doirasida faoliyat yuritishga xizmat qilishini ta’kidladi. Avvalroq Jamshid Ismatullaev reytingning ilk natijalari – QQSni 1 kunda tekshiruvlarsiz qaytarish haqidagi fikrlari bilan o‘rtoqlashgan edi.
Yig‘ilishda Soliq qo‘mitasi, Savdo-sanoat palatasi mutaxassislari hamda Biznes-ombudsman vakillari tadbirkorlarning barqarorlik reytingi mezonlari va ularning tadbirkorlar uchun ahamiyati haqida ma’lumot berdi. Reytingning asosiy maqsadi tadbirkorlarni o‘z soliq majburiyatlarini ixtiyoriy ravishda va o‘z vaqtida bajarishiga undash ekanligi ta’kidlandi.
Talabalar ochiq muloqotga kirishib, mutaxassislardan o‘zlarini qiziqtirgan savollarga javob oldi.
Bunday mahorat darslari quyidagi hududlarda ham tashkil etildi:
Soliq qo‘mitasi Matbuot xizmati