Налоговый комитет при Кабинете Министров Республики Узбекистан

QQS to‘lovchilarini maxsus ro‘yxatga olish mezonlari nima deydi?

20/01/2022

Vazirlar Mahkamasining 2021-yil 22-sentabrdagi 595-sonli qaroriga muvofiq, QQS to‘lovchilari soliq organlarida maxsus ro‘yxatdan o‘tkaziladi.

Yuridik shaxslar my.soliq.uz veb-sayti shaxsiy kabinetdagi “Mening holatimni tekshirish” interaktiv xizmati yordamida soliq xavfi darajasini aniqlashlari va ularni o‘z vaqtida bartaraf etishlari mumkin.

Mezonlar nimadan ogohlantiradi va ularni qanday bartaraf etish quyidagi havolalarda.

Soliq xavfi yuqori bo‘lgan mezonlar:

🔴Rahbar yoki moliyaviy boshqaruv vazifalarini bajaruvchi shaxsning YaMMTda tasdiqlanmaganligi

🔴Ta’sischi to‘g‘risidagi ma’lumotlar soliq organlari ma’lumotlar bazasida mavjud emasligi

🔴Soliq to‘lovchining davlat ro‘yxatidan o‘tgan manzilda mavjud bo‘lmasligi

🔴O‘zining, ijaraga olingan yoki tekin foydalanadigan ko‘chmas mulki mavjud emasligi

🔴Soliq to‘lovchining manzili nominal joylashgan joy manzili bilan to‘g‘ri kelishi (18 kv.mdan kam)

🔴Amalga oshirilayotgan bitimlar (operatsiyalar) soliq to‘lovchining faoliyat turi va xususiyatlariga, shuningdek, EHFlar bo‘yicha tahliliy ma’lumotlar asosida xarid va realizatsiya qilinayotgan tovarlar (xizmatlar) nomenklaturasiga nomuvofiq bo‘lishi

🔴Soliq hisobotlari taqdim etilmasligi

🔴Soliq to‘lovchining soliq qarzi mavjudligi, shuningdek, ta’sischilarining (ishtirokchilari) ulushi 50 foiz va undan ko‘p bo‘lgan — yuridik shaxslarning soliq qarzi mavjudligi

🔴Yuridik shaxsga soliq qarzi mavjud yoki soliq xavfi yuqori soliq to‘lovchi qo‘shilishi (birlashishi)

🔴Murojaat etuvchi soliq to‘lovchining rahbari bir vaqtning o‘zida soliq qarzi mavjud bo‘lgan boshqa yuridik shaxsda rahbarlik qilishi yoki soliq hisobotlari taqdim etilmaganligi

🔴Muqaddam bankrot deb e’lon qilingan tashkilotda rahbar yoki ta’sischi (ishtirokchi) bo‘lgan va muqaddam soliq to‘lashdan qasddan bo‘yin tovlaganlik uchun javobgarlikka tortilgan shaxs rahbar yoki ta’sischi (ishtirokchi ) bo‘lishi

🔴Yuqori darajadagi tavakkalchilik toifasiga mansub bo‘lgan va soliq to‘lashdan qasddan bo‘yin tovlaganlik uchun javobgarlikka tortilgan shaxs tomonidan rahbarlik yoki ta’sischilik (ishtirokchilik) amalga oshirilganligi

🔴Moliya-xo‘jalik faoliyatini 3 oydan ortiq amalga oshirmaslik.

Soliq xavfi yuqori bo‘lgan soliq to‘lovchilarning:

- QQS to‘lovchi sifatida ro‘yxatdan o‘tkazilganligi haqidagi guvohnomasi vaqtincha to‘xtatiladi;

- QQS to‘lovchisi sifatida maxsus ro‘yxatdan o‘tish uchun taqdim etgan arizasi rad etiladi.

Soliq xavfi o‘rta bo‘lgan mezonlar:

🟡Oxirgi 12 oy ichida soliq hisobotlarini o‘z vaqtida taqdim etmaslik holatlari mavjud bo‘lganligi

🟡Xodimlari yoki yollanma ishchilari soni 4 kishidan kam bo‘lganligi

🟡Soliq to‘lovchining faoliyat turiga bog‘liq holda zarur ishlab chiqarish, savdo, ombor binolari va hududlari, shuningdek, boshqa zarur moddiy-texnika bazasi bilan ta’minlanmaganligi

🟡1 mlrd so‘mdan oshgan miqdorda tovar-moddiy boyliklar qoldig‘iga ega bo‘lganlik

Soliq xavfining o‘rta darajasiga ega soliq to‘lovchilar:

- Keyingi keladigan 12 oy ichida soliq nazoratining tekshiruv tadbirlarini o‘tkazish sharti bilan maxsus ro‘yxatdan o‘tkaziladi;

- QQS guvohnomasining amal qilishi to‘xtatilmaydi.

Территориальные
органы

Налоговый комитет

Андижанская область

Бухарская область

Джизакская область

Кашкадарьинская область

Навоийская область

Наманганская область

Самаркандская область

Сурхандарьинская область

Сырдарьинская область

город Ташкент

Ташкентская область

Ферганская область

Хорезмская область

Респ. Каракалпакстан

Межрегиональная инспекция

QQS to‘lovchilarini maxsus ro‘yxatga olish mezonlari nima deydi?

20/01/2022

Основные показатели

Обращения в налоговые органы

Оценка полученных ответов на обращения, поступившие на единый номер в 2023 году